كلام الام لابنها.....قصيده رووووووووووعة

رايح عالنتيجه وارجع ابساع

مو هذا كلامك يمه ليه؟
ليش اتعطلت يمه العصر فات
وبدت تعصر بروحي المغربيه
هلاهل ترسن بصدري وبيدي جكليت
وكبل اسبوع مشتريه الهديه!
اتاني او خبر عاجل طكني بالكاع
انفجار الجامعه المستنصريــــه
ولك يمه وصلتك ازحف ازحوف
لأن رجليه ماتن كبل ايديـــــه
لكيت كتابك وماشفتك ويــاه
عفته شلون مو رحتو سويـــــه
وجثه تصيحلي من بين الرمـــــاد
كلت مو هيه!!وانه ادري هيــــــه
حاجيني دخيلك ياضـــــــوه العين
الشضية صابتك ,مو بيك بيـــــــه
انا اشتاكيت ابوس اجفوفـــــــــك اليوم
ابكد مابوست انت بديــــــه
....
ياجف القدر المن انمــــديت
ليـــــش اتناوشت نجم الثريـــــه!
ابني الي بجت لمصابه الحمامـــات
واغتاظ الكمر وانخسف ضيـــــــه
ابني ابن العراق وامـــه بغداد
ياهو الكتــب مجهول الهوية