في مدح الامام علي عليه السلام

السلام عليكم ورحمة الله وبركاته

قصيدة للشاعر نهاد الخيكاني


موش اعلى الورق اكتب ابحلك الحوت
قصيده وماخفت ينبلع مطلعهه
كالوتنبلع كلتلهم اتحداه
على اعناده ارد اشوف اشلون يبلعهه
انا كاتب علي اباول سطر ماخاف
طلع منه يونس ما ايطلعهه
سهل يابو الحسن لو صعب شنسميك
حازم لو سمح لو كلهه جامعهه
ابنفس جفك علي التركع افتوك الثوب
علي اتشيل الزلم بالكاع تركعهه
ابتاريخك اشوفن خيل تردم خيل
اوخبزه اوجف يتيم اوروس كاطعهه
وجي التاريخ غيرك سكته يامولاي
بحيث الابره من اتطيح تسمعهه
انت ومو بلال اليصعد اعلى البيت
النبي رادك علي الاذان ترفعهه
شافك تحت منهه امفطر الحيطان
تصعد فوكهه اعلى الكاع تطبعهه
علي ماترد كلك من ترد للبيت
كلك مال غيرك ما اترجعهه
اكيد اتبات كلك عالارامل سور
عدا ابهامك يبات ابحلك رضعهه
الضدك ياعلي راس اوعقب مكلوب
يرى الوديان فوك الجبل موضعهه
اول ياعلي الواكف عدل يقراك
بس المنكلب يقراك رابعهه
ادري اشلون لحك ينزع ابن العاص
اليمك ماايلحك ايده يرفعهه
علي سيفك برق لحك نزعهه اشلون
احلف من طلع من بيته نازعهه
علي ابطبتك للجن ماشلعت الكاع
جا بس خيبر اعلى اعداك قالعهه
الحجي ابيناتنه شالعهه يابوحسين
بس انت علي اوما كلت شالعهه
رجعت الشمس لا سيدي مااكول
ربك لان ما صليت رجعهه
لان جنت ابصلاتك تسعد الرحمن
اشتهى نغمة دعائك راد يسمعهه
اشكد اجفوف عندك لااتكلي اثنين
اعقول الحبتك ياسيدي اقنعهه
كوفه ايتام عندك وانت يامولاي
جنت ابئان واحد كلهه تشبعهه