احلام شباب للشاعر ايهاب المالكي

جنت ادور ابيات كون توصف احلام الشباب
ودورت كل المدينة بيت بيت ..
باب...باب..
وره كل باب الكه شاب
يفرز احلامه حسب نبض الحياة ..
بيهن توقف نبضهن ..
بيهن ايعيشن بعدهن ....
وهو يمهن..
يفرز احلامه التموت
ويحرفلهن بليالي حتى يدفنهن سوية
وبيهن انضمن عليه ...ماشفتهن
المهم كل الشباب الصادفتهم ..
من درو بيه انه شاعر كلهم التمو عليه
امنوني احلامهم بيدي واجيت
وانه باحلام الشباب البلقصيدة كمت احس توني بديت
ابكل حلم صورة لكيت ..
صورة للشاب ويجرحه
صورة للمالاكي فرحه
ابحلم كل شاب الكه لوحه
لوحه ماراسمهه دافنشي محال
لوحه راسمهه خيال
بيه فرحه بيه حيرة
بيهه شاب ايطول عسرة وباقيه جفوفه كصيرة
ابحلم كل شاب الكه ديرة
جن جزيرة ..بلااميرة
بس جزيرة حرة مامحتل شعبهه ومحد يقرر مصيرة
حتى بارض احلامه غيرة
يغفه بس صاحي ضميرة
من ينام ابجفه ضام
غضن زيتون السلام ..
ايحط على رموشة الحمام ..
الله باحلام الشباب اشكد صورحلوة لكيت
اشكد لكيت ..
ولهذا ..
احس اكضي القصيدة ابقى احس محتاجه بيت !!!

انا عدني دراسة وعندي عمل بعد اسبوع اعطل عن الداسة وراح اشوفون خوش مواضيع عن هم ما حدث في الكون من الانفجارالى الندثار